Mar 6:1-6 | YomNWM | STEP | Buna Yesu wubotuka kuna ; wuvutuka ku tsi andi yika butukila ayi minlonguki miandi minlandakana.

Mark 6:1-6

Bavueza Yesu ku Nazaleti

(Matayi 13.53-58 ; Luka 4.16-30)

1 Buna Yesu wubotuka kuna ; wuvutuka ku tsi andi yika butukila ayi minlonguki miandi minlandakana. 2 Mu lumbu ki saba, Yesu wutona longa mu nzo lukutukunu. Buna bawombomu batu bobo banwa basimina ayi batuba :

—A kuevi kabakidi mambu momo e ? A phila nduenga mbi yoyibamveni e ? A buevi kalembo vangila bikumu biobi e ? 3 Niandi ko salaphati ; muana Maliya ; khomba yi Zaki, Yose, Yuda ayi Simoni e ? Bakhomba bandi zi baketo keti zikala yeto vava ? Niandi wuba nkaku kuidi bawu muingi babika wilukila.

4 Buna Yesu wuba kamba :

—Mbikudi kantambulanga minzitusu ko mu tsi andi, kuidi bibutu biandi koayi mu dikanda diandi ko.

5 Diawu kadi kumu kasia vanga kuna ko. Vayi botuka kaka ndambu bambevokatetika mioko ayi kabelusa. 6 Wusimina buwombo mu kambu kuawu ku minu.

Yesu wutuma kumi mimvuala miandi miodi

(Matayi 10.1,5-14 ; Luka 9.1-6)

Yesu wudiengila mu mala ma zunga kina mu diambu di longa.